ATEF Şirkətlər Qrupunun kollektivi şəhid əməkdaşının məzarını ziyarət edib

ATEF Şirkətlər Qrupunun kollektivi Vətən müharibəsində qəhrəmancasına şəhid olan əməkdaşımız Həsənov Qüdrət Səfər oğlunun Sabirabad rayonunun Qardaşkənd kəndindəki ata ocağını ziyarət edib.

Şirkət rəhbərliyi və kollektiv adından şəhidimizin ailəsinə başsağlığı verilib. Həmçinin qəhrəmanın Qardaşkənd kənd qəbiristanlığındakı məzarına əklil qoyulub, dualar oxunub.

1995-ci il təvəllüdlü Q.Həsənov ATEF Şirkətlər Qrupunda sürücü vəzifəsində çalışırdı.

Allah rəhmət eləsin! Ruhu şad olsun!